Нащивени Новорочни вашар у коцурскей Основней школи (фото)

автор Ол. Русковски
186 Опатрене

КОЦУР – У Основней школи „Братство єдинство” у Коцуре вчера, 23. децембра отримани уж традицийни Новорочни вашар.

Нащивителє и того року мали нагоду поопатрац, алє и купиц, рижни прикраски и инше цо школяре сами порихтали за наиходзаци крачунски и новорочни швета. У пририхтованю понукнуца за Новорочни вашар наймладшим помагали учительки, наставнїки, алє и родичи.

Свойо понукнуца представело кажде оддзелєнє, а було ту рижни прикраски, интересантни предмети, як и смачни колачи и медовнїки. На Новорочним вашаре цени були символични, а велї валалчанє котри пришли дзечнє потримали и наградзели вельки труд школярох.

У коцурскей Основней школи Новорочни вашар отримани у физкултурней сали, а по числу нащивительох котри ше шейтали з полнима мещками могло заключиц же и тогорочни бул вельки, нащивени и успишни.

ПОВЯЗАНИ ТЕКСТИ