НОВИ САД – На Радио програми по руски на УКТ габох радия РТВ на 92, 100 и 107,1 мгг, нєшка на 13 годзин, будзе емисия Соботово стретнуца, на ютре на 12:30 Културна панорама и потим на 13:30 годзин мож послухац вирску емисию Вирую.
У нєшкайшей емисиї Соботово стретнуца будзе емитована розгварка зоз Мартицу Тамаш зоз Вербасу. Мартица свой роботни вик препровадзела як новинарка, дописователька, редакторка, алє и директорка Новинско-видавательней установи Руске слово. Робела и за Радио Нови Сад, Телевизию Войводини, Новинску аґенцию Бета, сотрудзовала на порушованю информативней аґенциї на руским язику, авторка є велїх текстох, була член Националного совиту Руснацох и тераз є членїца Одбору за информованє Националного совиту Руснацох.
Соботово стретнуца ше емитує премиєрно каждей соботи на 13 годзин и репризно стреду на 23 годзин, мож ю послухац и на одложеним слуханю на сайту РТВ. Розгварку призначела Єлена Дудаш.
У найновшей емисиї Културна панорама годно послухац розгварки зоз писателями кнїжкох за дзеци котри обявени прешлого року у виданю НВУ Руске слово, и як будзе випатрац програма тогорочней централней преслави Националного швета Руснацох у Новим Орахове. Редакторка и водителька емисиї Саня Дивлякович. Емисия Културна панорама ше емитує кажду нєдзелю на 12:30 г и репризно на 23 годзин, а мож ю послухац и на одложеним слуханю на сайту Радио-телевизиї Войводини.
На Радио програми по руски на нєдзелю на 13:30 годзин мож послухац вирску емисию Вирую. Нєдзельова емисия Вирую пошвецена Крачуну у Коцуре. Емисия Вирую каждей нєдзелї почина на 13:30 годзин.
