РУСКИ КЕРЕСТУР – У парохиї св. Оца Миколая нєшка 12. априла Лазарова собота, а будзе и вельконоцна св. Споведз. На ютре 13. априла Квитна нєдзеля – Багнїтки.
Нагоду висповедац ше пред наиходзацим шветом Пасхи, керестурски парохиянє нєшка буду мац нагоди на штирох Службох Божих, на 8, на 10, на 16 и на 18 годзин, а споведац приду помогнуц и священїки з других наших парохийох. Вечар на 19 годзин будзе Всеночне пред шветом Квитней нєдзелї.
На ютре, на Квитну нєдзелю, рано на утринї буду пошвецени багнїтки котри символ того швета цо здогадує на славни уход Исуса Христа до Єрусалиму дзень по тим як воскреснул Лазара.
У катедралней церкви Служби Божи буду на 9, на 11,30 и на 19 годзин, а висповедац ше годно и на каждей тей Служби.
Нєшка, 12. априла пре вельконоцну Споведз нє будзе вечарша Служба у Водици, а анї на Вельку соботу 19. априла.