НОВИ САД – Покраїнска влада обезпечела штири нови превозки и мамоґраф за Дом здравя Нови Сад. Kлючи превозкох директорки др Татяни Покушевски уручел подпредсидатель Покраїнскей влади и покраїнски секретар за здравство др Милан Попов.
Др Попов гварел же то найвекша установа примарней здравственей защити на Балкану и здогаднул же у остатнї два роки до нєй уложене 70 милиони динари.
Превозки ше будзе хасновац за домашнє лїченє и патронажу – за допатранє самодругих женох, положнїцох, дзецох и нєрухомих пациєнтох. Директорка наглашела же тота потримовка злєпша роботу на терену и унапредзи старанє о пациєнтох.