Нови Сад без шветочней академиї на дзень города

автор Жридло: РТВ
36 Опатрене

НОВИ САД – Пре безпечносни причини Городска рада Нового Саду принєсла одлуку же би ше нє отрималo шветочнu академиy з нагоди Дня городу.

На основи одвичательного спатраня шицких факторох котри можу вплївовац на сиґурносц жительох, госцох и шицких учашнїкох, Городска рада Нового Саду принєсла одлуку же би ше пре безпечносни причини того року нє отримала шветочна академия з нагоди означованя 1. фебруара – Дня городу, наводзи ше у сообщеню.

Тот важни датум, кед Нови Сад слави свойо преглашенє за шлєбодни кральовски город од 1. фебруара 1748. року, кажди рок привитує вельочислених госцох зоз жеми и иножемства, уключуюци делеґациї городох приятельох и збратимених и вельке число Новосадянох.

Маюци у оглядзе зложени и деликатни дружтвени обставини, наявене интезивованє дружтвених тензийох, протестни случованя хтори плановани за тот дзень, як и значенє очуваня дружтвеней стабилносци, з окремним акцентом на сиґурносц учашнїкох, госцох и жительох Нового Саду, принєшена одлука же би шветочносц того року нє була отримана. Город Нови Сад остава пошвецени демократичним вредносцом заєднїцтва и солидарносци и инициятивом котри визначую нашу пошвеценосц роботи и гражданом.

Як и предходних рокох, 1. фебруара буду обезпечени вельочислени вигодносци за шицких Новосадянох. Безплатни паркинґ, безплатне городске и пригородске воженє на городских автобусох, безплатни упис до Городскей библиотеки, шлєбодни уход на базен Слана бара, як и на базен и шлїзкалїще у СПЦ „Войводина”.

Окреме зме горди же и того року предлужуєме традицию дарованя наших наймладших согражданох. Шицки беби котри ше народза 1. фебруара у Бетаниї, а чийо мацери маю пребувалїще на териториї Нового Саду, достаню на дарунок 300.000 динари. Прешвечени зме же зоз одвичательносцу, солидарносцу и демократичну пошвеценосцу предлужиме робиц на дальшим розвою нашого городу и унапредзованю квалитета живота шицких Новосадянох, гвари ше у сообщеню зоз Городскей хижи.

ПОВЯЗАНИ ТЕКСТИ