КОЦУР – Предшколска установа „Бошко Буха” у шицких своїх обєктох у општини Вербас 1. септембра предлужела воспитно-образовну роботу, а єден з тих обєктох и оддзелєнє „Герлїчка” у Коцуре, чийо дзвери того дня отворени за наймладших.
У коцурскей „Герлїчки” до мишаней пририхтуюцей воспитней ґрупи на руским язику того школского року уписане 21 дзецко, а ґрупу водза виховательки Ксения Уйфалуши и Ясмина Скубан.
Зоз тей ґрупи двойо дзеци треба же би нарок рушели до школи, та вони прейду и през обовязну пририхтуюцу програму. Зоз тим ше пририхтаю за обовязки котри их чекаю як будуцих школярох першей класи.