РУСКИ КЕРЕСТУР – Пияток, 25. новембра пензионере у Руским Керестуре достали нови и лєпши телевизор.
З оглядом же стари телевизор престал робиц и нє могло го вецей оправиц, зоз добродзечних прилогох купени нови.
Телевизор им важни, окреме тераз кед Шветове змаганє у фодбалу, прето же ше пензионере збераю у своїх просторийох и дружа.
Нови телевизор пензионером придал предсидатель Општини Кула Дамян Милянич, а потим шицки вєдно предлужели друженє и розгварку у просторийох Пензионерского дому у Руским Керестуре.