НОВИ САД – У Руским културним центре (РКЦ) штварток, 15. януара отримана локална преслава Националного швета Руснацох у Републики Сербиї.
Нащивительох и учашнїкох привитал предсидатель Управного одбору РКЦ Славко Винаї, хтори здогаднул на историят и контекст 17. януара односно на початок присельованя Руснацох на тоти простори, а потим у кратких рисох представел дїялносц и мисию РКЦ.
Спред Националного совиту Руснацох (НСР) швето повинчовал предсидатель НСР Стеван Самочета, хтори поволал на Централну преславу националного швета, хтора будзе на соботу, 17. януара у Новим Орахове.
Дзень Руснацох повинчовал и новосадски парох о. Дарко Рац, здоґадуюци же Руснацох на тих просторох у прешлосци и вира отримала.
У културней програми наступела Мишана шпивацка ґрупа РКЦ под руководством Борута Павлича, хтору на гармоники провадзел Давор Сабо, а наступела и млада рецитаторка школярка Катарина Медєши.
