НОВИ САД – Рух горякох и того викенду 25. и 26. априла орґанизує Новосадски кветни пияц, на платоу опрез Спенса.
На уж познатим месце буду продукователє квеца, саднїцох и опреми за гортикултуру, окрем рижнородного квеца годно купиц меду, домашнього маджуну и соки, присмачки, як и уметнїцки и продукти старих ремеслох.
Новосадски кветни пияц будзе тирвац: пияток од 8 по 19 годзин и на соботу од 8 годзин та до пополадню.
Плановани термини отримованя Новосадских кветних пияцох у априлу и маю: 4–5. април, 11–12. април, 25–26. април, 9–10. май, 16–17. май и 23–24 май.
На Новосадским кветним пияцу и того року тирва акция Замень стари папер/картон за саднїцу квеца и древа. Пияток од 8 по 19 и на соботу од 8 по 13 годзин кед 10 кили паперу, або картону годно зачерац за саднїцу квеца, а 60 кили паперу за саднїцу древа.
