ДЮРДЬОВ – Службу Божу у дюрдьовскей Церкви Рождества Пресвятей Богородици вчера, 1. юния, служел керестурски парох о. Владислав Варґа.
Вон овласцени од нашого владики кир Георгия Джуджара же би обишол шицки нашо парохиї и приблїжел им вельки Божо благодати Ювилейного одпустового 2025. року.
Поволуюци вирних на Завитни дзень до Водици, о. Варґа у своєй казанї здогаднул шицких присутних на чудеса хтори ше збули вирним хтори ше модлєли Святей Мариї.
