ДЮРДЬОВ – Члени Добродзечного Огньогасного Дружтва Дюрдьов и того року обрадовали наймладших Дюрдьовчанох зоз новорочнима пакециками.
Огньогасци дзелєли пакецики внєдзелю 5. януара, а пакецики достали дзеци по дзешец роки. Плановане було же би ше пакецики дзелєло на шейсцох локацийох у валалє, алє огньогасци ше здогадли же наймладши члени Културно-уметнїцкого дружтва „Тарас Шевченко” маю ґенералну пробу пред Крачунским концертом, та их вєдно зоз Дїдом Мразом пришли обрадовац у просторийох Дружтва.
Акцию потримала Општини Жабель, як и велї гражданє Дюрдьова.
