КУЛА – У Основней школи „Петефи бриґадa” у Кули, 9. марца отримане Окружне змаганє у шаху на хторим участвовали школяре од 1. по 8. класу.
На Окружним змаганю участвовалo 130 школярох зоз општинoх Кула, Апатин, Зомбор и Оджак, а зоз Керестурскей школи участвовали шесцеро школяре.
При дзивчатох ше змагали: Николина Гарди зоз 5. класи, Валентина Гарди зоз 7. класи и Лана Шомодї зоз 8. класи, док при хлапцох то були Андрей Провчи зоз 8. класи, Тони Орос зоз 7. класи и Лука Фа зоз 8. класи.
Пласман яки нашо школяре зазначели:
дзивчата – Николина Гарди завжала 5. место, Валентина Гарди завжала 3. место, док Лана Шомодї завжала 2. место,
хлапци – Тони Орос завжал 3. место, Лука Фа завжал тиж 3. место, док Андрей Провчи завжал 1. место.
На Републичне змаганє пласман виборел лєм Андрей Провчи, а змаганє будзе отримане 6. априла у Младеновцу.
Орґанизатор Окружного змаганя у шаху була ОШ „Петефи бриґадa” зоз Кули.
