КУЛА – У Влади Войводини потписани контракт зоз Покраїнским секретариятом за енерґетику, будовательство и транспорт зоз котрим опредзелєни безповратни средства за суфинансованє розвою транспорта и инфраструктури.
Средства по тим контракту општина Кула опредзелєла за виробок технїчней документациї котра нєопходна за систему видео надпатраня транспорту и мониторинґ центру зоз автоматичним детектованьом потупеньох у Кули, у улїчки Маршала Тита.
Вкупни средства котри потребни за реализованє того проєкту виноша вецей як 11 милиони динари. Од того, росорни секретарият опредзелєл 5 милиони динари, док општина Кула видвої за тоту наменку вецей як 6 милиони динари.