ДЮРДЬОВ – У голу Основней школи, штварток 20. априла, з початком на 18 годзин отримана ище єдна трибина зоз родичами наволана ,,Цо нам дзеци маю повесц”. Трибину водзела Александра Виславски, вихователька у заградки „Дюрдєвак” Предшколскей установи ,,Дзецинство” и медзинародно сертификовани Монтесори педаґоґ за дзеци возросту од три по дванац роки.
Тота трибина блїзко повязана зоз роботню хтору Александра тримала школяром Основней школи ,,Йован Йованович Змай”, од першей по осму класу. На трибини Александра родичом пренєсла порученя дзецох и визначела же ситуация барз критична.
Порученє о хторим було найвецей слова на трибини, то же дзеци сцу буц вислухани. Векшина школярох хтори участвовали на роботнї ше поносовали же их родичи вообще нє слухаю, же их нїхто нє похопює озбильно кед сцу повесц цо думаю и же маю чувство же их нїхто анї нє чує.
