Отримана Општинска смотра рецитаторох

автор вл. дїтко
396 Опатрене

ШИД – У сали Културно образовного центра пондзелок и вовторок отримана традицийна Општинска смотра рецитаторох зод назву „Поето народа мойого“, а на хторей ше представели и штверо школяре хтори рецитовали по руски.

Антония Рац, школярка трецей класи ОШ „Бранко Радичевич“ зоз Бачинцох рецитовала писню „Лукавосц“ Миколи М. Кочиша и наградзена є зоз кнїжку, як и Йована Петрович, школярка шестей класи ОШ „Бранко Радичевич“ зоз Шиду хтора рецитовала писню „Мала гушенїца“ Танити Ходак.

На смотри ше змагали и Никола Югаз, школяр трецей класи ОШ „Бранко Радичевич“ зоз Шиду хтори рецитовал писню „Нїтка“ Меланиї Павлович, а Стефан Ркман, школяр шестей класи ОШ „Сримски фронт“ зоз Шиду рецитовал писню „И я добри“ Миколи Скубана.

Спомнутих школярох за смотру порихтала наставнїца Наташа Еделински Миколка, хтора виклада годзини руского язика з елементами националней култури як виборни предмет у школох у oпштини Шид.

На Зонску смотру рецитаторох, хтора будзе отримана 18. и 19. марца у Сримскей Митровици пласовали ше шесцеро школярe од пиятей по осму класу, потим шесцеро од першей по штварту класу и штверо школярe зоз штреднїх школох.

ПОВЯЗАНИ ТЕКСТИ