КУЛА – У просторийох Руского културно-уметнїцкого дружтва „Др Гавриїл Костельник”, 11. априла, на Вельку соботу по юлиянским календаре, отримана Вельконоцна роботня за наймладших членох того дружтва. Роботню обдумал и орґанизовал предсидатель кулского Дружтва Александар Планкош.
Роботня обдумана так же дзеци перше украшовали писанки зоз стиропору, а потим фарбели прави писанки, вифарбйовали заячки и кошарочки зоз паперу.
Дзекуюци предсидательови и длугорочней членїци Дружтва Еуфемиї Планкош, дзеци у приємней атмосфери, окрем же могли виражиц свою креативносц, тиж дознали и дакус вецей о вельконоцним швету, обичайох и єдлох, хтори на концу и покоштовали.