ШИД – Студенти, школяре и гражданє отримали вчера, 9. марца ище єден протест хтори почал на 18 годзин зоз блокираньом главней крижней драги у центру города.
Потим колона предводзена зоз тракторами рушела през главну Карадьордьову улїцу по Ґимназию „Сава Шуманович“.
Там на початку такой шицки поволани же би зоз 15 минути цихосци дали чесц погинутим на гайзибанскей станїци у Новим Садзе.
Можебуц при концу цихосци, єдней школярки, хтора ношела и тримала транспарент, пришло нєдобре, та интервеновала Швидка помоц Дома здравя Шид, а школярки потим було добре.
Нє було после того нїякей бешеди, а протестанти обвисцени же будзе 15. марца вельки протест у Беоґрадзе, та шлїдуюци у Шидзе будзе отримани о два тижнї.
