ИЛИНЦИ – Предсидатель Општини Шид Зоран Семенович зоз сотруднїками и о.д. директора Дома здравя Шид Весна Лукич у присустве здравствених роботнїкох, вчера отворели нови будинок амбуланти у Илинцох.
Амбуланта збудована дзекуюци финансийней потримовки Влади Републики Сербиї односно Министерства за явни укладаня. Як визначела Весна Лукич, поверхносц амбуланти 120 квадратни метери, а слово о енерґетски ефикасним будинку хтори ма ординацию, просторию за медицински интервенциї, просторию за здравствени картони и санитарни ґузел.