НОВИ САД – Пасху Новосадянє шветочно преславели у конкатедралней Церкви св. апостолох Петра и Павла, на богослуженьох на Вельки пияток, на Воскресней утринї и Архиєрейскей Служби Божей на Шветли пондзелок кед за диякона пошвецени Иван Дацешен.
Внєдзелю у полней церкви кошарки з пасхалним єдзеньом пошвецел парох о. Юлиян Рац. Новосадски парох читанє зоз Евангелиї читал вецей язикох – на латинским, церковнославянским, руским, українским язику и на сербским язику, а потим пречитал владикову винчованку и сам вирним повинчовал Вельку ноц. На служби дзияковал Йовґен Надь.
Мированє було у службох пондзелох на други дзень Велькей ноци, а нєшка на Шветли вовторок у Служби Божей на 10 и на 18 годзин тиж будзе и мированє.
