ДЮРДЬОВ – У парохиялним доме церкви Рождества Пресвятей Богородици вчера, внєдзелю, 7. децембра була перша пасторална дїялносц за дзеци висших класох основней школи.
Дзеци привитал мастер филозофиї и теолоґиї Страхиня Здравкович, котри на пракси у дюрдьовскей церкви, и вєдно з нїма и на їх инициятиву пририхтал патренє рисованого филма зоз библийнима елементами „Супер кнїжка” на проєктору.
Планує ше пасторалну дїялносц отримовац каждей нєдзелї, на 17 годзин у парохиялним доме и же би ше до тей акитвносци уключели шицки заинтересовани школяре котри буду вєдно обдумовац цо буду патриц, або о чим буду приповедац, а на тему християнства.
