РУСКИ КЕРЕСТУР – Школяром першей класи у трох оддзелєньох Основней школи „Петро Кузмякˮ штварток подзелєни символични дарунки од Фондациї „Универекспортˮ зоз Нового Саду.
Школяре першокласнїки на дарунок достали торбичку за физичне, школски прибор, лакотки и подобну закуску хтору дзеци любя, а дарунки школяром подзелєла директорка школи Наталия Будински.
Фондация, хтору основал тарґовински ланєц „Универекспортˮ, акцию дарованя дарункох витворює уж даскельо роки по вецей местох Сербиї и Войводини, а у сотруднїцтве з Министерством просвити, науки и технолоґийного розвою и дїловнима партнерами.
