РУСКИ КЕРЕСТУР – У орґанизациї Фодбалского клубу „Русинˮ внєдзелю, 6. юлия, у Руским Керестуре, почал Ноцни турнир у малим фодбалу, 52. по шоре.
Турнир ше, як и потераз, бави на терену у Старей школи, а участвую екипи пионирох, сениорох и ветеранох.
Турнир отворели наймладши фодбалере, народзени 2016. односно 2017. року, дзе ше од 20 годзин стретли екипа Русин 1 и Русин 2, а змаганє закончене зоз резултатом 2:2.
У шлїдуюцим змаганю того вечара стретли ше екипи ветеранох – екипа Звонка контроли зоз Кули, и екипа Пекара и гамбурґерия „Вранянка НИН” зоз Каравукова, та у тим змаганю „пекареˮ були успишнєйши, зоз резултатом 2:0.
На шоре були „Royal Grandˮ и „Чочо” умивальня, обидва домашнї екипи, а конєчни резултат глашел 0:2 за умивальню „Чочоˮ.
У остатнїм змаганю вечара бавели екипи Фодбалски клуб Панония зоз Лалитю процив домашнєй екипи под меном Драґан Ковачевич Дзира, дзе госцуюци фодбалере славели процив домашнїх зоз 3:2.
Шлїдуюцого дня, пондзелок, одбавени нови круг змаганьох.
