Почина Ноцни турнир у малим фодбалу

автор Д. Барна
154 Опатрене

РУСКИ КЕРЕСТУР – Фодбалски клуб „Русин” орґанизує традиционални, 51. Ноцни турнир у малим фодбалу хтори почнє нєшка, 1. авґуста у Руским Керестуре, а стретнуца ше буду бавиц на терену у Старей школи.

Турнир ше будзе бавиц по формату 5+1, а у екипи найвецей може буц приявени 10 бавяче.

Наградни фонд турнира розпоредзени так же побиднїк турнира освої 150 тисячи динари, другопласовани 50 тисячи динари, док трецепласована екипа освої 30 тисячи динари.

На тогорочним турниру буду участвовац дзешец екипи, векшином зоз валалу.

Екипи хтори участвую: Луксор фурнитуре, Браца Русини, Бостон, ВС намештай, Изґлед, Амбасада Кула, Гала, Бачки Ґрачац, Клуб 10 и Юарбис.

Екипи подзелєни до двох ґрупох дзе будзе бавиц кажде зоз каждим, а перши штири екипи виборя место до нокаут фази.

При пионирох на тогорочним турниру участвую дзевец екипи: шейсц екипи зоз Руского Керестура и по єдни екипи зоз Кули, Лалитю и Крущичу.

Орґанизатор ноцного турнира у малим фодбалу ФК „Русин”.

ПОВЯЗАНИ ТЕКСТИ