РУСКИ КЕРЕСТУР – Зоз катедралней церкви св. о. Миколая, внєдзелю 9. марца на 14 годзин рушела процесия до Водици з модлєньом пацеркох, а на 15 годзин бул Молебен за особне обраценє, обраценє нашей парохиї и Епархиї, за мир на України и по цалим швеце.
То перша нєдзеля поста, кед нас Исус поволує – „гибай за мну“. То и початок Молебенох и молитви каждей нєдзелї у Марийовим одпустовим месце дзе 11. януара отворени Ювилейни дзвери у Водици, а того року и 165 роки од пошвецаня Водицовей церкви.
До Водици тей нєдзелї з пацерками у рукох ишли вельо вирни, шестри Служебнїци, парох о. Владислав Варґа.
Каждей нєдзелї до Велькей ноци на 17 годзин у Старим манастире Крижна драга.
На соботу 15. марца будзе Друга задушна собота, Служба Божа на 8 годзин рано, а на соботу 17. марца у Новим манастире после вечаршей Служби почина дзевятнїца до св. Осифа.
