КУЛА – Заменїк покраїнского секретара за реґионални розвой, медзиреґионалне сотруднїцтво и локалну самоуправу Радивой Парошки, уручел вовторок, у Покраїнскей влади, представнїком локалних самоуправох контракти о виробку проєктно-технїчней документациї, чия вредносц 60 милиони динари за 12 проєкти у дзешец локалних самоуправох АП Войводини.
Право на средства за виробок проєктно-технїчней документациї, з цильом реализациї розличних инфраструктурних проєктох, витворели општини – Оджак, Опово, Нови Бечей, Сечань, Темерин, Ада, Кула, Вербас, Житиште и Город Суботица.
Предсидатель општини Кула Дамян Милянич, подписал контракт за виробок нєобходней документациї за вибудов Спортского центра зоз провадзацим змистом – друга фаза (заварти базен зоз велнесом). После законченя тих роботох будзе розписованє явней набавки, а потим и вибудов.