Подзелєна помоц назберана у акциї „Дунц шпайз”

автор Ол. Русковски, фото: Я. Салонтаї
193 Опатрене

КОЦУР – Каритасова гуманитарна акция у Коцуре „Дунц шпайз”, котра облапя зберанє помоци у поживи и стварох котри мож найсц у шпайзу, як и средства за гиґиєну, закончена и назберана помоц унапрямена особом у потреби.

И того року числени валалчанє указали добру дзеку, та назберани намирнїци и рижни средства у тей гуманитарней акциї. Пакети облапяли продукти котри вирни, под час тирваня акциї, приношели до Каритасових просторийох, а як гварел координатор коцурского парохиялного Каритасу „Марийов дом” Янко Салонтаї, докупени и намирнїци зоз пенєжу котри назберани у дзвончку у нєдзелї Каритасу.

По Салонтайових словох, нащивени вецей фамелиї и особи котри жию сами и однєшени им пакети у хторих тирваци поживовох продукти и средствa за гиґиєну. Того року зоз назбераного у тей акциї направене 45 пакети.

Орґанизатор тей, уж традицийней, гуманитарней акциї „Дунц шпайз” парохиялни Каритас „Марийов дом” Коцур.

ПОВЯЗАНИ ТЕКСТИ