Полни одпуст през цали Ювилейни рок

автор Ол. Живкович
94 Опатрене

РУСКИ КЕРЕСТУР – У Катедралней цервки св. отца Миколая перше зоз чином отверaня „Святих дзверохˮ з нагоди 2025. року „Паломнїки надїїˮ, з архиєрейску Службу Божу, а потим и зоз чином отвераня дзверох у святилїщу у Водици, означени початок Ювилейного року.

На тим святочним чину котри предводзел кир Георгий Джуджар участвовали священїки зоз велїх наших парохийох, монахи и монахинї нашей Епархиї и по двоме представнїки парохийох, члени церковних одборох и велї вирни.

На служби котру предводзел кир Георгий участвовали нашо свяшенїки: о. Владислав Варґа, о. Владислав Рац, о. Михайло Режак, о. Юлиян Рац, о. мр Дарко Рац, о. Алексий Гудак, о. Владимир Еделински Миколка, о. Владимир Медєши, о. Михайло Шанта, о. Ярослав Вовк, як и єромонахи о. Дамян Кича, ЧСВВ и о. Платон Салак, ЧСВВ.

Кир Георгий у казанї визначел же ше зоз чином пред службу отворел рок милосердия, алє найзначнєйше же би то бул рок подполного одпусту и пребаченя, подполни одпуст нє лєм за живих, алє и за тих котри ше уж преселєли до вичного живота.

Тоти два места, Катедрална церква св. о. Миколая и Водица за вирних нашей Епархиї през цали тот Ювилейни рок буду одпустово.

ПОВЯЗАНИ ТЕКСТИ