НОВИ САД – З нагоди 278. родзеного дня Нового Саду, хтори ше означує на нєдзелю 1. фебруара, у городзе ше орґанизує вецей културни програми, а и велї услуги буду задармо, сообщене зоз Оддзелєня за одношеня з явносцу.
Наводза же явне городске и пригородске превоженє будзе задармо. Тиж и ЯП СПЦ Войводина нє будзе наплацовац уход на шлїзкалїща и базени за шицки змени того дня, як и на базенох СЦ Футоґ. Безплатни уходнїци годно превжац на каси, а пре безпечносц, у єдней змени на базену годни буц 150, а на шлїзкалїщу 300 особи.
У Музею Города Нового Саду, 31. януара и 1. фебруара ше уход нє будзе наплацовац.
Туристична орґанизация Нового Саду тиж порихтала програму: тематски шейтаня по городзе, фахово водзени тури по центре и Петроварадинскей твердинї, шлєбодни уход до музейох, ґалерийох и обиходзенє нового будинку Радио-телевизиї Войводини. Тоти програми ше нє будзе наплацовац, алє пре огранїчени места у ґрупох треба ше приявиц на сайту Туристичней орґанизациї Нового Саду. На тим САЙТУ мож найсц цалу програму.
З нагоди Дня Нового Саду и Мрежа културних станїцох порихтала рижни безплатни програми, а вецей информациї мож опатриц на тим ЛИНКУ.