ВЕРБАС – Тих дньох у Вербаше, у улїчки Ивана Милутиновича, поставени штири нови радарски мерачи швидкосци рушаня превозкох.
Аґенция за безпечносц транспорту Републики Сербиї у сотруднїцтве зоз Совитом за координацию дїялносцох безпечносци транспорту на подручу локалней самоуправи Вербас за тото видвоєла вецей як два милиони динари.
По сообщеню предсидательки Совиту за координацию дїялносцох безпечносци транспорту на подручу локалней самоуправи Вербас Тияни Алексич, слово о реализациї проєкту котри унапредзує безпечносц учашнїкох у транспорту у зонох школох.
По улїчки у котрей поставени нови мерачи швидкосци рушаю ше числени школяре Основней школи „Светозар Милетич” и Стреднєй фаховей школи „4. юлий”.