СУБОТИЦА/БАЧКА ТОПОЛЯ – Студентски протести, на хторих ше ґу студентом придружели вельочислени гражданє, парасти на тракторох на вецей заводи блокирали нє лєм центер варошу, алє и вецей крижни драги. Колони, хтори ше зоз Прозивки дзе було место сходу, одходзели до центру дзе студенти бешедовали о вимогох и дата 15-минутова почесц жертвом у новосадскей траґедиї. Ґенерални штрайк, пияток 24. януара випочитовали велї гражданє бойкотуюци купованє того дня, нє одходзели на роботу, школи нє робели.
У Бачкей Тополї вельке число гражданох вецей днї ше збера на платоу опрез робней хижи Панда на протесту Застань на 15 минути – корупция забива же би дали потримовку студентом у блокадох и дали почесц особом хтори настрадали у нєщесцу у Новим Садзе. Медзи гражданами и просвитни роботнїки, матуранти ґимназиї и економскей школи ,,Доситей Обрадович”. Гражданє спозорели же потримаю шицких просвитних роботнїкох хтори буду нападнути, або кед же им будзе грожене прето же участвую у протестох.
