НОВИ САД – З нагоди означованя Шветового дня особох зоз инвалидитетом у Городскей библиотеки – Оддзелєнє Аница Савич Ребац (Площа Републики 2) будзе представени проєкт Моя доступна библиотека, на стреду, 10. децембра, нa 12 годзин.
У рамикох проєкту Городска библиотека у Новим Садзе будзе опремена и зоз правилнїкох хаснованя библиотеки на лєгким и єдноставним язику, зоз монтажну рампу, таблетом и рижнима предметами хтори олєгчую читанє (ленийками за читанє за особи зоз дислексию, лупи за читанє…), хтори ше годно хасновац. Шицки активносци маю намиру же би новосадска Городска библиотека була доступнєйша шицким своїм хасновательом.
На представяню проєкта Моя доступна библиотека, бешедовац буду: представнїк Городксей управи за културу Города Нового Саду, директор Городскей библиотеки у Новим Садзе Александар Йоканович, координаторка проєкта Емилия Давидович, експерт на проєкту Анита Ґовля и контролоре текстох Драґослав Михайлович и Єлена Дамянович.
Проєкт Моя доступна библиотека потримала Городска управа за културу Городу Нового Саду, а реализує го Каритас Деканата Нови Сад у партнерстве зоз новосадску Городску библиотеку.