КУЛА – На швето св. мученїка Йосафата вирни парохиї зоз його меном у Кули зоз Службу Божу на 10 годзин и мированьом после нєй, потим обходом коло церкви и читаньом Евангелийох означели храмове швето.
На служби було присутне вельке число вирних, а службу служели декан бачки и парох коцурски о. Владислав Рац, парох бачински о мр. Дарко Рац, єромонах Методий Биланчик, ЧСВВ, парох старовербаски о. Алексий Гудак, капелан керестурски о. Владимир Медєши, як и домашнї священїкове парох кулски єромонах Дамян Кича, ЧСВВ, и капелан кулски єромонах Платон Салак, ЧСВВ.
Красна новемберска хвиля прицагла вельке число вирних до кулского храму.
