Приятельске змаганє подростка ФК ,,Русин” процив ,,Гайдука” зоз Кули

автор Д. Барна
191 Опатрене

РУСКИ КЕРЕСТУР – Приятельске змаганє котре одбавене того викенду, 18. марца, медзи подростоком Фодбалского клубу ,,Русин” зоз Руского Керестура и ,,Гайдука” зоз Кули, прешло у знаку госцуюцих фодбалерох котри парняком зоз Керестура нанєсли пораженє 4:1. Єдини ґол за Русин дал Виктор Надь.

На тим змаганю подросток Русина бул видно ослабени, велї бавяче хибели пре приватни причини и оправдани обовязки, а дзепоєдни бавяче ше анї нє зявели на змаганю. Найвецей хибели у бависку троме стандардни бавяче, Александар Зорич, Александар Тома и Владко Кочиш.

За екипу Русина наступели: Мирослав Молнар, Тадей Бодянец, Марио Иличич, Кристиян Надь, Андрей Дудаш, Велько Шомодї, Алексей Бики, Лука Иличич, Мирко Надь, а на змаганю бавели ище двоме бавяче зоз Керестура котри наступаю за други екипи, Виктор Надь, котри бави за екипу ,,Спартак” зоз Суботици и Теодор Няради, котри бави за екипу ,,Раднички” зоз Зомбора. У другим полчасу до бависка вошли двоме бавяче, Желько Максич и Андрей Мудри котри зоз Лалитю.

На нєдзелю почина першенство, подросток ФК ,,Русин”стартує у першим колу ярнєй часци  на госцованю у Зомборе процив ,,Радничкого”.

ПОВЯЗАНИ ТЕКСТИ