Проєкт „Женски мировни активизем у Сербиї“ на Википедиї

автор Є. Перкович
268 Опатрене

БЕОҐРАД –  Пред даскельома днями на Википедиї поставени бок зоз назву „Женски мировни активизам у Србији“ на котрим мож найсц хронолиґию женского активизму. Антивойново протести жени у бувшей Югославиї одпочали пред саму войну котра свойо перши знаки указала у Словениї и Горватскей 1991. року.. Протести у Сербиї и Войводини постали численши кед ше почало посилац поволанки за мобилизацию на котри окреме реаґовали припаднїки меншнских заєднїцох.

Од  тринац зазначених женских протестох 1991. року, дзешец отримани у Беоґраду и три у Войводини. Интересантне спомнуц же медзи тима протестами у Войводини (Бечей и Панчево) треци котри отримани у септембру 1991. року бул у Коцуре. Гоч протест вецей як сто коцурских женох виволал повагу явносци о нїм ше нєшка мало зна а велї актере того антивоєного активизму вецей нє живи. 

У рамикох проєкту „Женски мировни активизем у Сербиї“ котри ше реализує зоз потримовку нємецкей орґанизациї ФОРУМ ЗСД планує ше обробиц 80 биоґрафиї и феномени женского антивоєного активизму. Очекує ше же у рамикох спомнутого проєкту одреднїца о коцурских  женох  и їх процивеню войни и мобилизациї  будзе мац вецей деталї.

ПОВЯЗАНИ ТЕКСТИ