РУСКИ КЕРЕСТУР – На Европски дзень язикох, на штварток, 26. септембра, на 9:50 годзин у Школи Петро Кузмяк у Руским Керестуре будзе промоция кнїжки „Руски язик медзи карпатскима славянскима язиками и диялектами” мср Тамари Хома, хтору видала Руска матка, Руски Керестур.
Присутним на промоциї будзе подаровани прикладнїк кнїжки хтора визначує насампредз окремносц руского язика, ИСО-код: RSK и найвекши подобносци руского язика зоз виходнярским язичним идиомом.