НОВИ САД – На пияток, 13. децембра, у клубу Руского културного центру у Новим Садзе (Йована Суботича 8) на 19 годзин будзе отримана промоция радио драмох по руски у продукциї Радио-телевизиї Войводини, на котрей буду участвовац анґажовани и редакторе.
Драмска продукция на руским язику радия Радио-телевизиї Войводини того року збогацена за аж два нови радио драми.
Радио драма „Такси за Вавилон“ по тексту Звонимира Павловича у режиї Александри Живкович премиєрно емитована у марцу, а на интернетету ю мож послухац на тим линку: https://media.rtv.rs/ostalo/radio-drama-radio-television-of-vojvodina/91578
Радио драма „Конєц“, по тексту и у режиї Славка Виная, будзе на габох Трецей програми Радио Нового Саду премиєрно емитована на вовторок, 17. децембра, на 13 годзин.
Обидва драми буду у порядней драмскей програми по руски, котру ше емитує стреду и нєдзелю у ноцней програми.