РУСКИ КЕРЕСТУР – На соботу, 28. децембра, на 19 годзин на бини Дома култури у Руским Керестуре будзе виведзена реприза представи „Полицає” Славомира Мрожека, хтору адаптовал и режирал Янко Лендєр зоз Вербасу, а виводзи ю ансамбл керестурскей сцени Руского народного театра „Петро Ризнич Дядя”.
Понеже пре предстояцу санацию часци закрица над просцениюмом и вельку салу представа будзе виводзена камерно, на самей бини, число местох за публику огранїчене, та модлїме шицких хтори би жадали патриц спомнуту представу же би резервовали карти за представу на шлїдуюцей и-мейл адреси: rnt.djadja@gmail.com, лєбо директно у просторийох Руского народного театра (Русинска 75).