ВЕРБАС – У просторийох КПД „Карпати” у Вербаше на соботу, 15. марца на 17 годзин, будзе отримана роботня за дзеци зоз сликовнїци „Наша свадзба”.
На роботнї буду участвовац дзеци хтори у вербаских школох руски язик уча як виборни язик, а през роботню их будзе водзиц редакторка часописа „Заградка” Ясмина Дюранїн и їх учителька Славица Мали.
Промоция тей сликовнїци през 2024. рок отримана у Руским Керестуре, Коцуре, Дюрдьове и Новим Садзе. Тоту кнїжку написала Мая Зазуляк Гарди, илустровала ю Аня Гудак Заґоричник, а обявена є дзекуюци средством зоз Буджетского фонду за национални меншини Министерства за людски и меншински права и дружтвени диялоґ Републики Сербиї.
