РУСКИ КЕРЕСТУР – Здруженє гражданох „Руска скарбнїца” орґанизовала 7. децембра у Доме култури роботню Як ше крохмалї споднї женски сукнї, а роботню водзела Мария Дудаш Фейса зоз Коцура хтора ше стара о народним облєчиве у КУД „Жатва”.
Роботня обдумана пре потребу же би народне облєчиво шицких наших аматерох у фолклорних секцийох, на наступох було автентично пририхтане, тє. як дакеди, добре викрохмалєне.
Крохмалєнє уж призабута активносц, та роботня отримана и прето же би була знята и познєйше обявена на Ютюб каналу и доступна шицким заинтересованим.
Роботня як проєкт ЗГ „Рускей скарбнїци” одобрени того року на конкурсу нашого Заводу за културу войводянских Руснацох.
