РУСКИ КЕРЕСТУР – Як визначел керестурски парох о. Владислав Варґа, тот рок у нашей парохиї будзе Рок фамелиї и будземе мац порядни стретнуца за фамелиї.
У тим духу, од 19. по 21. януар, у Тотовим Селу будзе орґанизовани семинар за младих од 16 до 35 роки на тему „Малженство то поволанє“.
Преподавац буду фамелиї зоз Суботици и Панчева. Зоз Керестура ше за тераз приявели 16 особи котри сцу пойсц на тото стретнуце. Хто ище жада пойсц може ше явиц парохови на 060/713 7712 по 16. януар.
Ювилей, 165 роки церкви у Водици означи ше того 2024. року. Прето ше и далєй модлї и збера помоц за Водицов Центер „Емаус“ котри ше на яр предлужи будовац.
И того тижня паноцове пошвецаю обисца и нє буду служиц вечарши служби до нєдзелї, анї всоботу 20. януара.
Кед слово о парохиялних матрикулох у 2023. року покресцени вкупно 44 особи, повинчани 13 пари и поховани 72 особи.
Рочну предплату за „Дзвони“ мож уплациц на парохиї, а предплата 1.500 динари.