ЗАҐРЕБ – Руснаци Городу Заґребу вовторок, 16. децембра, орґанизовали промоцию „Мацеровей рускей кухарки” авторки Блажени Хома Цветкович и Любици Няради, як и представянє кнїжкох за дзеци.
На промоциї спред НВУ „Руске слово” бешедовали Блажена Хома Цветкович и Ясмина Дюранїн, пред красним числом Заґребчанох у святочней сали Грекокатолїцкей церкви.
Популарну кнїжку рецептох, алє и саму дїялносц Установи, представела Хома Цветковичова, здогадуюци публику на скорейши часи и на способ на хтори ше дакеди жило.
О богатей продукциї кнїжкох за дзеци бешедовала Дюранїнова, оглядаюци ше на сотруднїцтво зоз авторами и илустраторами дзекуюци хторим ше видава вельо нови дїла.
У представяню роботи самей Установи, як и способу на хтори ше доходзи до средствох за видаванє кнїжкох бешедовали обидва авторки, у приємней розгварки зоз присутнима.
