ВЕРБАС – У дворе Ґимназиї „Жарко Зренянин” у Вербаше вчера, 5. фебруара, отримани сход потримовки єй школяром.
На сходу бешедоване о актуалней ситуациї у нашей держави, як и о студентох у блокади котрим школяре тей ґимназиї дали потримовку у їх борби.
Здогаднїме, на пленуму отриманим 22. януара принєшена одлука о претаргнуцу настави у тей установи од 24. януара по сполнєнє студентских вимогох. Як визначене на сходу, од теди ше школяре стретали зоз рижнима препреченями котри сами превозиходзели, а остатнє було тото же им бул забранєни уход до просторийох школи з обгрунтованьом же кед блокираю наставу, то можу робиц виключно зоз двору ґимназиї.
Родичи школярох орґанизовали тот сход як потримовку школяром, а приключели ше и числени жителє Вербасу.
