ШИД – Ищє єден протест потримовки вимогом студентох отримани внєдзелю 11. мая, а гражданє рушели опрез Спортскей гали през централни крижни драги по Ґиманзию „Сава Шуманович“.
Як гварене спред орґанизатора, протести маю и гуманитарни характер и на вецей заводи зберане пенєж за помоц загроженим поєдинцом, та и з тей нагоди присутни могли до шкатули положиц добродзечни прилог.
Орґанизатор нависцел же на шлїдуюцим протесту 18. мая, будзе участвовац и дакедишнї познати кошаркаш Владимир Штимац и на спортским терену у Словацким парку будзе отримани мини турнир у кошарки и поволане най ше приявя екипи.
Протест законечни зоз 16 минути цихосци за жертви на гайзибанскей станїци у Новим Садзе.
