ШИД –На схадзки Скупштини општини (СО) Шид хтора вчера 4. юлия отримана по швидким поступку, одборнїки вигласали ребаланс буджета за 2025. рок, а средства у буджету зоз планованих 1.487.000.000 динари звекшани на 1.655.026.000 динари пре одредзени инвестицийни роботи за хтори достати средстав з висших уровньох власци.
Тиж СО вигласала и вименки програми дїлованя ЯКП „Водовод“, а як обгрунтовал директор подприємства Александар Йованович, вименки ше одноша на одредзени инвестицийни роботи на студньох и цивоводу.
Под точку „рижне“ одборнїки опозициї мали вецей питаня, а схадзка законечна за пол годзини.
