СУБОТИЦА – З нагоди Дня города Суботица, хтори ше означує 1. септембра, того року Туристична орґанизация Суботици пририхтала преславу хтора тирва од 29. авґуста по 2. септембер.
През пейц днї означованя Дня города пририхтана рижнородна програма – шветочна схадзка, концерти, театрални представи, вистави и велї спортски и културни збуваня.
Орґанизовани буду и бесплатни пешацке тури на 13 годзин, а окрем културней програми, мож нащивиц и вашар єдлох, напою и ручних роботох на городскей площи.
Програму преслави Дня города Суботици мож опатриц на тим линку.