КУЛА – Швето св. Миколая, 19. децембра преславене и у грекокатолїцкей парохиї священомученїка Йосафата у Кули. Служби Божо були на 9 годзин, котру служел парох єромонах Дамян Кича ЧСВВ, и на 17 годзин котру служел єромонах Платон Салак ЧСВВ.
Пред вечаршу службу на 16 годзин бул Молебен и молитва Пацеркох, а по служби до церкви пришол св. Миколай, дзе го дочекали дзеци и їх родичи.
Виронаучни дзеци з тей нагоди зоз вироучительку ш. Авґустину Илюк пририхтали пригодну програму дзе рецитовали св. Миколайови и шпивали його познату шпиванку „О хто, хто, Миколая люби”.
На концу Миколай подзелєл 15 пакецики добрим дзецом котри финансовали родичи. Як традиция у тей парохиї, св. Миколай заходзи и до КУД „Иван Сенюк” дзе безплатно дзецом тиж дзелї дарунки.