НОВИ САД – Вирни Новосадскей парохиї св. апостолох Петра и Павла перши дзень Рождества Христового шветочно преславели на Архиєрейскей Служби Божей хтору предводзел владика кир Георгий Джуджар, а сослужел домашнї парох о. Юлиян Рац.
У казанї преосвящени владика кир Георгий Джуджар гварел же барз важне же треба же бизме були щешлїви же ше раз стретнєме з тим котри нас створел, котри посцера кажду слизу з твари и да нам радосц, дзе нє будзе анї болю, анї церпеня, лєм живот вични.
Шветочней атмосфери допринєсол хор грекокатолїцкей церкви Петра и Павла и Руского културного центру ,,Гармония”, а на служби бул и министер за людски и меншински права и дружтвени диялоґ Томислав Жиґманов.
Министер Жиґманов гварел же Влада Републики Сербиї и Министерство свидоме же велька векшина националних заєднїцох у Сербиї припада иншакей вири. Ми ту же бизме указали прилапйованє шицких же кед приду таки важни духовни подїї як цо то Крачун, же бизме були з вами.
