ЧАЧАК – У Чачку отримане Першенство Сербиї за кадетох, юниорох и младших сениорох у поєдинєчней и екипней конкуренциї.
Першенство Сербиї тирвало два днї, а на тим змаганю участвовали коло 50 клуби и вельке число змачательох зоз цалей Сербиї.
Медзи учашнїками буки и каратисти зоз Карате клуба „Гайдук” зоз Кули, за хтори ше змага и Ґлориян Штранґар зоз Руского Керестура.
На найважнєйшим домашнїм змаганю у поєдинєчней конкуренциї (младши сениоре – 75кґ) Ґлориян завжал 3. место, потим у екипи младших сениорох Михайло Крнаяц, Лука Ґириц, Ґлориян Штранґар и Марко Пуцар) завжали 2. место и у екипи юниорох (Крнаяц Михайло, Растко Миянович, Милош Крнаяц, Марко Пуцар и Ґлориян Штранґар) завжали 1. место.
Орґанизатор того змаганя бул Карате федерация Сербиї (КФС).
