НОВИ САД – На нєдзелю у найновшим Телевизийним маґазину годно одпатриц цо догварене на сходу котри внєдзелю отримани у Руским Керестуре о нєисправней води у котрей пренайдзене вельке количество арсену.
Внєдзелю у рамикох 57. Драмского мемориялу Петра Ризнича Дядї у Културним центре у Кули, одбавена представа „Полицає”.
У Маґазину будзе приказане и як було на Бамби фесту, найзначнєйшей манифестациї за наймладших у дзецинскей заградки „Цицибан”.
Шветови дзень особох зоз аутизмом означує ше 2. априла, а того року ше у Сербиї означує зоз рижнима манифестациями и конференциями на котрих ше визначує значносц свидомосци о аутизму.
Такой по законченю Телевизийного маґазина будзе емитовани и фамелийни маґазин Широки план у котрим госцински з Керестура виприповедаю як випатрала їх драга по успих у облюбеним спорту.
На нєдзелю Телевизийни маґазин почнє на 20 годзин и Широки план на 21 годзину.
