КУЛА – Терен Фодбалского клубу „Кула” на Ґедеру бул домашнї „1. Войводина – Sieger Show”, специялизованей вистави нємецких овчарох.
Викладателє пришли, окрем зоз Сербиї, и зоз Мадярскей, Словацкей, Румуниї, БиГ, Горватскей, як и зоз далєкей Монґолиї.
На тей вистави предствени коло 200 нємецки овчаре у шицких катеґорийох, од наймладших од три по шейсц мешаци, та по роботни пси у катеґориї длугошерсцатих и псох зоз нормалну шерсцу.
Судийове були еминентни познавателє раси нємецких овчарох и углядни одховйоваче – Златко Ревлич и Дамир Йованович зоз Горватскей и Петер Фирич зоз Сербиї.
Покровитель вистави „Кинолоґийни союз” Сербиї и ґенерални секретар Союзу др Махмуд ал Даґистани, а орґанизатор, попри наведзеного союзу, и „Клуб нємецких овчарох” Сербиї.
